Марсел Дишан: Уметноста на возможното – Closing Film (30/05, 20.00)

[ФФФ Docs.] CLOSING FILM

МАРСЕЛ ДИШАН: УМЕТНОСТА НА ВОЗМОЖНОТО / MARCEL DUCHAMP: THE ART OF THE POSSIBLE (2020), реж. Метју Тејлор / Matthew Taylor, САД, 90′

со вовед во филмот на Кирил Трајчев (професор и селектор на ФФФ)

30 мај (сабота), 20.00 часот , www.cinesquare.net/pff

 

Што е уметност? Ова беше прашањето што го постави таткото на концептуализмот, Марсел Дишан, кога стави писоар во уметничка галерија во 1917 година. Документарниот филм МАРСЕЛ ДИШАН: УМЕТНОСТА НА ВОЗМОЖНОТО ја разоткрива парадигматската промена на уметноста во XX век преку радикалните дела (и идеи) на Дишан коишто го предизвикаа тогашното статус кво и отклучија неограничени потенцијали за генерациите што следеа по него. Благодарение на Дишан, уметноста повеќе никогаш нема да биде иста.

Филмот го истакнува уникатното влијание на филозофијата и уметноста на Дишан и, што е уште поважно, истражува како револуционерните идеи на Дишан од почетокот на XX век сè уште ја обликуваат уметноста и културата во XXI век.

УМЕТНОСТА НА ВОЗМОЖНОТО е во режија на Метју Тејлор (Matthew Taylor), самиот уметник и наградуван филмски режисер, и вклучува интервјуа со некои од најистакнатите експерти за делото на Дишан, но и повеќе уметници, меѓу кои и Марина Абрамовиќ (Marina Abramović), Џозеф Косут (Joseph Kosuth), Ед Раша (Ed Ruscha), Мишел Гондри (Michel Gondry) и Џеф Кунс (Jeff Koons).

ЗА КИРИЛ ТРАЈЧЕВ

Кирил Трајчев е професор на Меѓународниот славјански универзитет „Г.Р. Державин“. Неколку години предавал и на Филмската академија при Универзитетот „Гоце Делчев“ во Штип. Учесник е на повеќе алтернативни и непрофесионални филмски и театарски фестивали. Учествувал и во реализацијата на кратки филмови и театарски проекти. Има објавувано текстови во повеќе списанија и зборници. Земал учество и на повеќе научни собири и конференции. Од 2017 г. е во функција на Селектор на долгометражни филмови на Филозофскиот Филмски Фестивал. Трајчев е и еден од организаторите на ФФФ Караванот во Источна Македонија и реализатор на работилници за филозофија и филм.

 

 

“Less than a year before his death, the American composer John Cage (1912–1992) proclaimed: “I can’t get along without Duchamp! I literally believe that Duchamp made it possible for us to live as we do.” In his film Marcel Duchamp: The Art of the Possible, Matthew Taylor compellingly illustrates that Marcel Duchamp’s legacy is as profound and pertinent today as it was nearly eighty years ago, when Cage first met him. Relying on interviews with an international array of contemporary artists and scholars interwoven with archival photographs and documents, period film footage, and his own discriminating camerawork, Matthew Taylor offers a fascinating portrait of Duchamp not only as a brilliant, innovative thinker, but also as a captivating individual whose unique approach to both art and life continues to elicit wonderment.”
 – Paul B. FranklinDuchamp scholar and editor in chief of Étant donné Marcel Duchamp                                                                       

 

www: https://duchampmovie.com