Гости
Мартин Ередеро Кампо | Излагање: Where Does Evil Lie
Сердар Озтурк | Излагање: Philosophy Through Short Films
Озер Озкантар | Излагање: Lost Highways of the Mind: Exploring David Lynch's Cinematic
Ернесто Ередеро дел Кампо |
Омаж - снимено видеоизлагање: Wittgenstein and Cinema
Анастасија Ѓурчинова | Воведно излагање ЉУБОВНИ ЗАСЕДАНИЈА (1964), Пазолини
Артан Садику | Излагање: „Меријам Тафакори и експериментални видеоформи“
-
Мартин Ередеро Кампо | Излагање: Where Does Evil Lie
Мартин Ередеро Кампо има докторирано филозофија, со почести, на Универзитетот во Ваљадолид, каде што моментно е активно вклучен во наставна и истражувачка работа. Паралелно со неговиот ангажман на универзитетот, предава филозофија и во средното училиште „Сан Агустин“ во Ваљадолид, Шпанија. Негов научен фокус се филозофијата на технологијата, проблемот на нихилизмот, метафизиката, прашањето за смислата и филозофијата на религијата. -
Сердар Озтурк | Излагање: Philosophy Through Short Films
Проф. д-р Сердар Озтурк е професор на Универзитетот „Хаџи Бајрам Вели“ во Анкара, специјализиран за филмска историја, социологија и филозофија. Автор е на седум книги (меѓу кои и CinePhilosophy: The Journey into Kurosawa’s Dreams) и бројни трудови, со главен фокус на филмска филозофија. Основач е на списанието „СинеФилософија“, Здружението за филм и филозофија и Меѓународниот фестивал на филозофски филмови во Турција. Својата стручност ја споделува преку различни класични и модерни медиуми. -
Озер Озкантар | Излагање: Lost Highways of the Mind: Exploring David Lynch's Cinematic
Доц. д-р Озер Озкантар од Катедрата за филмски дизајн и режија при Универзитетот Газиантеп, докторирал филмски студии, род и медиуми на Универзитетот Гази. Неговата академска работа е фокусирана на филмска анализа, семиотика и родови прашања во кинематографијата, со објавени трудови и учество на конференции и филмски фестивали. Работи и како преведувач, а предава предмети како филмска естетика и авторска теорија, негувајќи интердисциплинарен истражувачки пристап. -
Ернесто Ередеро дел Кампо |
Омаж - снимено видеоизлагање: Wittgenstein and CinemaЕрнесто Ередеро дел Кампо – ценет шпански филозоф, дипломат од кариера, наградуван поет и голем пријател на ФФФ – остави длабока трага за време на својата служба во Скопје преку вонредната посветеност на зајакнувањето на културните врски меѓу Шпанија и нашата земја. Неговата страст за уметноста, филозофијата и филмот, како и великодушната интелектуална ангажираност, изградија цврсти мостови што ги збогатија двете нации и ги инспирираа сите што го познаваа. Ќе ни недостасува. -
Анастасија Ѓурчинова | Воведно излагање ЉУБОВНИ ЗАСЕДАНИЈА (1964), Пазолини
Анастасија Ѓурчинова (1963) е есеистка, преведувачка и универзитетска професорка по италијанска книжевност. Авторка е на многу монографии и приредувачка на повеќе зборници и антологии. За своите преводи ги има добиено наградите „Драги“ (еднаш) и „Златно перо“ (двапати). Добитничка е и на два ордена од претседателот на Италија. -
Артан Садику | Излагање: „Меријам Тафакори и експериментални видеоформи“
Садику е истражувач, теоретичар и активист, доктор по филозофија. Негови примарни научни интереси се теориите на субјектот, феминизмот, радикалните пракси во политиката и уметноста. Студирал и истражувал во универзитетите во Минхен, Балтимор, Осло и Амстердам. Редовен соработник е на регионални и меѓународни списанија како „Le Monde Diplomatique“, „Journal Identities“ и „Bilten“.